Askorraosteikoa (-a) (aldeaetxea / etxea)

Sinonimoak: Askorraerdikoa (-a), Askorraosteinkoa (-a)

Kokapena: Goierri; mapa: C2/3 (ez da mapan azaltzen / desagertua)

Oharrak: Askorra baserri multzoko baserrietako bat dugu. Askorra baserri multzoa, honako baserri hauek osatzen dute: Askorbeaskoa, Askorraurrekoa (desagertua), Askorraosteinkoa (desagertua) eta Askortxu. Askorraosteinkoa baserria XVIII. mende amaieran lehenengoz dokumentatu, baina XIX. mende amaieran desagertu zen. 1825eko Polizia Zentzuan euskarazko forma osoa dokumentatzen da, gainontzekoetan "Ascorra de medio" gisa ageri da. Bitxia da, izan ere, osteinkoak atzekoa esan nahi du. Dena dela, pentsatzekoa da Askorrabeaskoa baserria eta Askorraurrekoa baserriaren artean zegoela, eta horrexegatik erdarazko forma hori, betiere eskribau jakin batek erabilitako izena dela. Azkor hitza adjektibo bat da eta azkarra eta bizia esan nahi du. Litekeena da garai bateko jabearen ezizena izatea. Etimologikoki "z"-z idazten bada ere, ohikoa da mendebaldean leherkari baten aurreko txistukariaren neutralizazioa, eta hori dokumentazioan islatzen da; izan ere, ez da inoiz ere "z"-z dokumentatu.

Idatzizkoak: